Diräkti Verbindig zu Gott – Ä würksam, starchä Text wo cha dis Läbä verändärä!

Diräkti Verbindig zu Gott

Dr Messias Jesus isch der Weg
zum Vatter im Himmu.  

Dank em Bluät fo Jesus hesch du inschtant u jederzit diräkte Zuätritt zum Thron Gottes, zum Vatter im Himmu!

Das heisst, du chasch mit Auuem u jedem Problem u jederä Sorg jederzit u sofort zum Thron vo der Gnade Gottes i sini Gägäwart cho, greinigät vom schlächtä Gwüssä dür ds Bluät fo Jesus. Blib im Chrischtus, im Messias, in Jesus, so erfahrsch du di Tatsach.

Wiä chasch du im Herr Jesus blibä?

Ganz eifach: Vertrou nid uf dini eigäti Grächtigkeit u Güäti, tue dis Säubscht u Seeläläbä verlügnä, indem du di bewusst em Heiligä Geischt unterordnisch u chindläch gloubsch.

Du bisch  im Härz fo dr Tatsach überzügt, dass du dür ds Blut fo Jesus jetzt grad und immer wider i d Gägäwart u Gmeinschaft fo Gott Vatter, Sohn u Geischt chunsch u chasch blibä, hoch erhabä über auunä irdischä, natürlichä, seelischä, körperlächä u materiellä Problem, Nöt oder Begehrä.

Wo Jesus am Chrüz gschtorbä nisch, isch dr Vorhang zum Auuerheiligschtä im Tämpu zerrissä.

Dür d Uferstehig fo Jesus fo dä Totä am drittä Tag bisch du fo Gott im Messias (Chrischtus) neu zügt wordä.

We du zum Gloubä a Jesus chunsch u das mit dim Härz gloubsch u umchersch zu Gott Vatter, wirsch du fo Neuem fo Gott geborä, u der Samä fom göttlichä Läbä chunnt i di Geischt. Du bisch itz in Christus (im Messias) ä Neuä, göttlichä Mönsch.

Du bisch itz äs genuin fo Gott fo Neuem geborenäs Ching fo Gott u hesch diräktä Zuägang zu Gott Vatter u Sohn. Dr Heilig Geischt u mit ihm o dr Vatter u dr Sohn, nähmä Wohnig in dir.

Johannes Kapitel 14.

Es isch dini Verantwortig, di Wahrheit i dim Härz la gedeihä, bis dis Härz föuuig derfo überzügt isch. Du läbsch u erläbsch das, wofo dis Härz überzügt isch.

Ds Neuä Testamänt kennt keni Box.

Di Körper isch dr Tämpu vom Heiligä Geischt. Es git keni Steitämplä me, o keni Priäschter zwüsche dir u Gott. Du bisch itz ä Priäschter für Gott, wi o auui angärä Glöibigä.

Ds Klerus-Syschtem sabotiert, was ds Evangelium fo Jesus auunä Mönsche het bracht.

Fiu Christä machä dür Religion u Tradition ä fatalä Fähler, di zentrali Wahrheit fom Evangelium in ä Chischtä z verpackä aus “Chiuchä” oder wi sech di chrischtlächä “Denominationä” mögä nennä. We du di mit so närä Chiulchä oder Denomination identifiziersch, richtisch du für di ä Trennig uf, wo Jesus am Chrüz niedergrissä het.

D Gmeind fo Jesus aus si Liib uf dr Ärdä isch ke mönschlächi Organisation oder Chiulchä, sondern d Versammlig fo Glöibigä, wo sech bewusst si, dass si fo Gott si geborä wordä u i diräkter Verbindig zum Vatter läbä u wo sech versammlä i d Gägäwart fo Gott, um diräkt mit Gott z kommunizierä u aus göttlechä Rat uf der Ärdä a ihräm Ort dr Willä fo Gott z fordärä u sech gägäsitig z häufä, ungerstützä u inspirierä.

Ds Potential verzockä.

Dr Chrischtus (Messias), dr Gsaubti, isch in üs aus dr Heiligä Geischt, d Saubig.

We dir öpper am Abä ä Gwinn Urkund über 10 Millione würd gä, du chönntsch chum schlafä, sondern würdsch dir forsteuuä, wi du am nächschtä Morgä dr Gwinn chasch iilösä u du würdsch dir fiu Forstelligä mit dirä Iibiudigschraft im Härz mache, was du auuäs mit em Gäut chönntsch machä u sichär wirsch machä.

Aber steou dir for, nid läppäschi zäh Millionä Dollar hesch du becho,

sondern dr Schöpfer vom Universum isch aus der Heiligä Geischt i di innä cho!

Chrischtus in üs, d Forsteuuigschraft (Hoffnig) vo der Herrlechkeit. (Kolosser 1,27).

Wiä chasch du angesichts fo däm gröschtä fo auunä dänkbarä Gschänk ruhig schlafä?

Mir söttä üs innärlich erregt Tag u Nacht intensiv forsteuuä – mit brönnändäm Härz vor Liäbi zu Jesus – was mir auues mit Gott in üs wärde mache, üses Läbä i heissä Gschpräch mit em Chönig Vatter u Sohn beschpräche u usäs chöniglichä Erbi aträtä. Mir sötte üs forsteuuä, wiä u mit welärä Herrlechkeit u  chöniglicher himmlischer Pracht mir itz läbä u üsäs Läbä däm chöniglichä himmlischä Standard apassä.

Es isch ä grossi Tragödiä, wi di meischtä Mönsche u Chrischtä das extremä Potential liächtfertig verzockä, indäm sie irdischä Vergnüägigä nachjagä u sech nüt oder weni drus mache, dass sie Gott unändlech nach chöi si u i derä Nähi chöi bliebä.

Es muäs ä riesigä Ungerschied si, we du in Gott bisch u Chrischtus in dir wohnt, zum nä Läbä ohni Heiligä Geischt!

Du hesch keni Usred me, i irgänd ärä Sucht z verharrä u z frönä, wüu mit ämnä Ougäblick vom Härz bisch du, gwäsche im Bluät fo Jesus, i dr Gägäwart fom Himmlischä Vatter u fo Jesus.

Es geit darum, was du ab itz meh wosch liäbä. Gott oder ds churzfrischtigä irdischä, fleischlichä, wäutlechä Vergnüägä vo de Sinnä i vom schtouzä Seelä-Läbä. Wosch du dr Ougäluscht frönä oder dr Liäbi zum Vatter? (1. Joh. 2,15-17).

We du di i däm heiligä entscheidändä Moment für Gott entscheidisch, guät.

Mach di druf gfasst u parat, dass dis Härz vom autä Mönsch, wo ds Sünd het gliäbt u bishär fouu fo sündigä Gwohnheitä u Gedankä is gsi, wird versuäche, di säuber z sabotiärä, Gott a die erschti Steuu uf ä Thron z steuuä. 

Tuä beschtändig Buäss,  erchenn u nimms bewusst zur Kenntnis, dass dä aut Mönsch mit Chrischtus isch krüzigät worde u gschtorbä nisch. We du im Chrischtugs bisch u blibsch, u Är i dir, denn isch das Tatsach. I dim Geischt wachsät ds göttlechä sündlosä, herrlichä  Läbä, du bisch ä wärdändä Chönig u Priäschter.

I dr Übergangsphasä muäsch du dis neuä Härz mit dr göttlechä Wahrheit, mit em Wort Gottes, dr Bibu, programmiärä u dr aut Mönsch mit sinä Gwohnheitä ablegä u dr Neu Mönsch aziä, wo wie Jesus isch.

Dis Härz neu programmiärä: steuu dir für auuäs i dim Läbä, auues was du hesche, machsch, was dir begägnät, live u lebändig vor, wie du das itz mit dr Herrlechkeit u Würdi fom nä Ching vom Chönig läbsch u tuäsch. Bis schtouz uf di Vatter im Himmu, er isch dr Chönig vo der Wäut.

Besprich auues mit Ihm. Dänk Tag u Nacht über diä Wahrheit nachä.

Das isch dr Chärn vom Evangelium fo Jesus. Tränk di mit em Wort fo Gott. Lis u los ANTD u ABDNT Studiäbibu.

We dir öppis schwär fauut z gloubä, wüou’s eifach zu herrläch tönt, zu guät, um chönnä wahr si, so tue i Zungä redä u bätä, tagälang, bis äs klar wird u du weisch, dass es Gottes Wunsch isch, u bis äs sech im Läbä manifeschtiert.

Wofo dis Härz überzügt isch,

so läbsch du u das erläbsch du.